Critical Essay

Sanaysay

1. Ayon kay Alejandro Abadilla ano ang kahulugan ng salitang sanaysay?

     Ayon kay Alejandro G. Abadilla, nakasulat na karanasan ng isang sanay sa pagsasalaysay, ang sanaysay ay nagmula sa 2 salita, ang sanay at pagsasalaysay. Ito ay panitikang tuluyan na naglalahad ng kuro-kuro, damdamin, kaisipan, saloobin, reaksiyon at iba pa ng manunulat hingil sa isang makabuluhan, mahalaga at napapanahong paksa o isyu.

2. Bakit maituturing na sanaysay ang talambuhay?

     Maituturing na sanaysay ang talambuhay dahil sa depinisyong ibinigay ni Lamberto Lumbrera na "Maaring sakupin ng kategoryang sanaysay ang alinmang akdang prosa na nagbabahagi ng impormasyon, nagpapaliwanang, umaakit na paniwalaan ang sinasabi, tumutuligsa sa mga institusyon o indibidwal, o umaaliw sa mambabasa.

3. Anu-ano ang naging tunguhin ng sanaysay sa kasaysayan ng panitikang Filipino? Paano ito naging daluyan ng ideolohiya?

     Sa pagbabalik tanaw natin sa nakaraan, maraming mga dayuhan ang sumakop sa ating bansang Pilipinas kaya naman sobrang laking kontribusyon ang naiambag ng sanay sa Panitikang Pilipino isa na nga sa tunguhin ng sanaysay ay makapagbigay impormasyon sa mambabasa at higit sa lahat ay maipahayag nating mga pilipino ang ating mga hinanakit sa mga mananakop.

4. Bakit nilikha ang sanaysay?

     Nilikha ang sanaysay upang makapaghatid at makapabahagai ng iba't ibang impormasyon na kalimitan ay nakabatay sa tunay na buhay o karanasan ng isang tao. Ito ay nilikha upang magbigay aliw, manghikayat, at maipaliwanag ng iba't ibang katuruan, kaalaman na nakapagbibigay kasagutan sa mga tanong ng tao.

5. Ano ang naging ambag ng sanaysay bilang akdang pampanitikan?

     Ang sanaysay ay makapagdudulot ng ambag bilang anyong pampanitikan at ilan na dito ay mga akdang tulad ng talambuhay at marami pang iba. Ito ay naging kasangkapan sa pagbibigay at pagtanggap ng maraming kaalaman na maaaring makapagbukas ng isipan ng maraming tao.

6. Anu-ano ang mga lumitaw na isyu ukol sa pagsasanaysay sa Pilipinas?

     Magmula na madiskubre ang blogging nagsilbi ito na sa mga pinakaimportanteng bahagi ng journalism. Sa pilipinas noong Disyembre 2009, isang photoblog ang nagsilbing pinanggalingan ng lahat ng mga pangkat pambalita pra ibalita ang isang sunog noong buwan na iyon. Pero nagmula rin sa blog ang karamihan sa mga kontobersya na kadalasang nagpapatama sa personalidad.

7. Ano ang pagkakaiba ng pormal at impormal na sanaysay?

     Ang pormal na sanaysay ay ang pagtatalakay  sa mga seryosong paksa na nangangailangan ng masuring pag-aaral at malalim na pag-unawa sa paksa.

8. Bakit madalas na sulatin ang malikhaing sanaysay?

     Madalas sulatin ang malikhaing sanaysay sapagkat isa itong paraan upang maisagawa ang bawat damdamin na nakapaloob sa puso ng manunulat. At maaari itong makapagbigay ng kasiyahan sa mga mambabasa.

9. Anu-ano ang mga katangian ng malikhaing sanaysay?

     Ito ay isang malayang paglipad ng bawat pag-iisip upang makabuo ng isang kwento o akda na nagsasalaysay ng totoong mga impormasyon at hindi kathang-isip lamang. Ang ilan sa mga katangiang taglay nito ay ang pag-uugat sa realidad o tunay na buhay na gagawing paksa, pagkakaroon ng malinaw na subjek, malinaw na mga detalye at pananaliksik o pag-oorganisa tungkol sa napiling tema o paksa.

10. Bakit itinuturing na malikhaing sanaysay ang BLOG/BLOGGING?

     Itinuturing na malikhaing sanaysay ang blog/blogging sapagkat ito ay naging daan at nagailbing daan upang masabi ng manunulat  ang kaniyang mga karanasan at nararamdaman tungkol sa kung anu-anong bagay na hindi niya kayang sabihin ng direkta. Ito ang mistulang talaarawan para sa iba na siyang lagi nilang kinakausap at pinaglalagyan ng mga hindi malilimutang pangyayari sa buhay nila.