Mahal Naming Pangulong Rodrido R. Duterte,
Bagama't nais ninyong tuldukan ang dami ng mga taong gumagamit ng droga ay marami ditong naapektuhan. Sa pagiging uhaw ninyo para matulungan ang pamilyang pilipino ay marami ring napapatay na inosenteng tao. Noong panahon na namumuno pa si dating Pangulong Benigno Aquino III ay alam naman nating hindi niya ito natuunan ng pansinkaya ganito na lamang ito dumami. Sa pamumuno niyo ngayon ay nais ninyong itigil lahat ng mga taong sangkot sa pagbebenta ng droga. Kaya naman ang inyong ginawa ay ang "EJK" (Extra Judicial Killing), ipinatupad ninyo ito para mabawasan ang populasyon ng mga adik sa droga dito sa pilipinas. Marami na kayong napatay, napakulong, at napaamin na taong gumagamit ng droga. Noong una, ito ay hindi pinapansin ng taong bayan ngunit nung dumating ang araw na may napapatay nang mga taong inosente ay agad itong binatikos ng tao at nang pamilya ng mga namatayan. May mga Mayor, Governor, Pulis, at iba pa ang isa sa mga taong napa-amin at nalaman niyong gumagamit ng droga. May mga pagkakataon din na pati minor de edad ay napatay dahil sa maling impormasyon patungkol sa drugs. Ilang probinsya din ang mayroong umamin na gumagamit ng droga. May tinatawag din kayong Oplan Tokhang o pabahay-bahay sa ilang barangay, at paghahanap ng mga taong adik at nagbebenta ng droga. Sinasabi din ng ilang mamamayan ng pilipinas na pinapipili ka ng ilang pulis, kung katok o putok. Kung bibilangin ang mga taong napatay sa EJK at Oplan Tokhang ay libo-libo na ito sa loob ng pamumuno ninyo ng ilang buwan pa lamang. Pinag-iisipan niyo rin na ipatupad muli ang Martial Law para lalo ninyong mabantayan ang mga pilipino kahit para sa amin ay hindi na ito kailangan pa.
Lubos na gumagalang,
Dado Mabazza
Walang komento:
Mag-post ng isang Komento